老馮茶居 (海寶花園)

好耐無黎過依間大埔既飲茶既飯堂，老馮茶居！1點鐘午飯時間唔洗等位，即刻有得入座。第一樣要叫既緊係流沙芋泥包啦。上次黎個陣俾隔離枱叫左最後一籠勁唔開心，今次一定要試下。個包一咬落去d芋茸即刻流晒出黎，熱辣辣香噴噴，唔錯！個人覺得仲好食老馮既奶黃流沙包添。跟住叫左個招牌混醬腸粉。一開始以為係芝麻醬、甜醬同辣醬個種三色混醬，點知係老馮自家制既一種醬料，睇落有d似馬拉盞，食落又幾有風味仲有少少辣。腸粉都算幾滑，值得一試。其實我每次黎老馮都一定會食佢d蒸飯，亦係每次既首要目標，今次就決定試下佢個蝦醬蒸腩仔飯先。蝦醬味好濃郁，但可惜d豬肉唔夠肥，有少少失望。兩個人一共叫左6份野食，加埋大概150蚊到，下次可以再encore。