Video
Read full review
2018-10-21
575 views
曾幾可時有一排真係瘋狂食倫哥打邊爐，新開果時差不過個幾月就食一劑，果時食野又有抽獎，中完coupon 食完又食食到驚🤣所以真係超耐無黎喇。最近諗緊生日食乜，先發現佢開左個蒸鍋，價錢仲要好抵食，不過就無乜人食過咁，所以生日🎂就決定黎做下白老鼠。地址同以前一樣，不過成個格局就唔同晒。餐廳分左兩層，張枱都幾闊落，個鍋可惜係無得食粥底。價錢$238, 星期六日加$10, 再加一。 我地本身book 左6點，不過見起街行到攰就早左5點半黎到慢慢等下蒸下。因為新張期內，8點前離座有7折，諗諗下都係唔好蝕😍。本身都驚食唔飽，因為張餐單其實無list 個份量出黎，不過食落你就知答案。新張期內like fb 有汽水一罐送😍開頭仲諗住買定支汽水去添，好彩無買。👍估唔到連蒸法都有得㨂，除左一般薑蔥，蒜蓉，仲有面豉醬ar, 剁椒醬ar, xo 醬等等～值得一讚。先黎個燉湯，超足料熱辣辣～有雞腳，豬肉，烏雞，蟲草花，紅棗，真係勁清甜。蒸野全程有店員計時處理，所以基本上乜都唔使做✌🏻蟶子幾大隻，好鮮甜一d 都唔韌。不過粉絲我覺得可以再浸軟d, 但係都好好食。蝦每人兩隻都係大大隻，肉質好夠結實，真係幾新鮮，淨係食左
最近諗緊生日食乜，先發現佢開左個蒸鍋，價錢仲要好抵食，不過就無乜人食過咁，所以生日🎂就決定黎做下白老鼠。地址同以前一樣，不過成個格局就唔同晒。
餐廳分左兩層，張枱都幾闊落，個鍋可惜係無得食粥底。
價錢$238, 星期六日加$10, 再加一。 我地本身book 左6點，不過見起街行到攰就早左5點半黎到慢慢等下蒸下。因為新張期內，8點前離座有7折，諗諗下都係唔好蝕😍。
本身都驚食唔飽，因為張餐單其實無list 個份量出黎，不過食落你就知答案。新張期內like fb 有汽水一罐送😍開頭仲諗住買定支汽水去添，好彩無買。
👍估唔到連蒸法都有得㨂，除左一般薑蔥，蒜蓉，仲有面豉醬ar, 剁椒醬ar, xo 醬等等～值得一讚。
先黎個燉湯，超足料熱辣辣～有雞腳，豬肉，烏雞，蟲草花，紅棗，真係勁清甜。
燉湯
79 views
0 likes
0 comments
蒸野全程有店員計時處理，所以基本上乜都唔使做✌🏻蟶子幾大隻，好鮮甜一d 都唔韌。不過粉絲我覺得可以再浸軟d, 但係都好好食。
蟶子
47 views
0 likes
0 comments
蝦每人兩隻都係大大隻，肉質好夠結實，真係幾新鮮，淨係食左頭呢幾樣已經好滿意😽。
蝦
38 views
0 likes
0 comments
黑松露豆腐係唯一蒸鍋裏面可以任食既，個豆腐加埋少少蝦膠同黑松露真係又香又滑。龍躉腩鮮味啖啖肉，個皮仲好厚好有彈性。
龍躉腩，黑松露豆腐
39 views
0 likes
0 comments
呢個寫話花甲，其實係蜆黎，揀左鹽蒸味道幾咸鮮。不過個肉實在太細粒，而且每人四粒有兩粒仲比我食到有沙，呢個蜆係咁多款海鮮中最扣分。
蟹就每人半隻，佢真係連個蟹蓋都開半😆，可惜我食果舊乜都無。 店員話蟹同龍蝦最好㨂清蒸/薑蔥，因為怕搶左d 味。本身我都諗個蟹會唔會無咩味嫁， 不過食落都算幾多肉，同食到有鮮味。
蟹
15 views
0 likes
0 comments
鮑魚估唔到係幾大隻，店員仲幫手起埋肉🤭 超彈口又唔韌喎。
鮑魚
29 views
0 likes
0 comments
龍蝦都好好味，雖然鉗個殻好腍，但食落d 肉係彈牙，同鮮味。基本上全部海鮮都唔錯，除左個蜆。
龍蝦
22 views
0 likes
0 comments
鮮魷腸粉，呢個本身已經有d 沙嗲醬同麻醬，上面仲有d 花生碎。個魷魚幾好味，幾香索到個醬既味道。不過d 汁唔夠多，腸粉食唔到個味，所以唯有點甜醬。如果個汁多d 就好喇，又或者轉做粉皮都應該更加好食。
食完個腸粉其實都飽，佢仲有其他配菜，都室得飽你。雖然清蒸，但加左d 鹽吊味都ok, 除左蕃薯比較乾身，其他食落都夠腍身同多汁，我自己就最鍾意個草菇同椰菜花。
最後一道蒸菜係蒸飯，份量見到未食都已經飽晒😆。材料真係超多，臘腸，臘肉，排骨，腩片，蝦乾，南瓜，芋頭，粟米。臨尾再加埋花生，蔥花同豉油就食得，仲有店員幫你撈埋。 個飯蒸出黎煙煙韌韌又唔會太乾，味道仲好豐富，最鍾意個搽左蝦醬既腩片，同埋排骨都好好味。 最後今本無可能食得晒，所以打包左一盒番屋企。（外賣box 加$2)
蒸飯
25 views
0 likes
0 comments
飯後仲有甜品，係任食既黑糖冰涼粉😍。晶瑩通透但又有涼粉既味， 黑糖唔會好甜，加埋提子乾啱啱好。真係好想食多碗，不過實在太飽。
黑糖冰涼粉
22 views
0 likes
0 comments
成功8點前離座✌🏻✌🏻✌🏻，折左唔使$200, 真係抵到爛。店員服務態度幾好，特別係個後生既四眼哥哥仔，都好有heart 咁介紹。 不過愈夜就開始唔係好夠人喇， 但係個七折優惠真係超值👍希望keep 住呢個質素，下次會帶埋屋企人黎再幫襯😁
👍總結海鮮真係幾新鮮，抵食又夠飽肚，因為早黎既關係其實兩個鐘啱啱好，不過如果想確保食到個七折優惠，就再預多少少時間喇。
Post
