元気寿司 (Closed)

有好耐都無食元氣，因為每次都要等N年先有得食，同埋又無咩料理，所以一向興趣不大！不過今日阿媽話要食，咁就要排隊等都等下喇⋯⋯去到觀塘APM先知原來元氣搬左上最高個層，新店較以前更細，當然都係要等等等等等係差唔多等左成半個鐘後終於有位 坐低後發現原由人手落單已改成輕觸式自助點餐，真係好方便！係落單後，壽司就會由新幹線小專車送達，好玩又得意，呢個時候當然相機先食喇一輪影相後就當然係開餐時間！我揀左榮螺壽司同吞拿魚壽司，先講講螺肉，真係好鮮甜彈牙，當中更帶點螺汁，加埋混有壽司醋的飯團下，尤覺滋味伙窮；而吞拿魚壽司亦同樣新鮮，食在口中啖啖鮮甜美味，絕無腥味，真係勁正呀～～～～再黎有母親大人想食既炸蝦卷連頭蝦炸得鬆軟美味，炸粉唔會過量，蝦肉彈牙而充滿鮮味，而壽司上的蟹籽更是粒粒爽口又爆甜，配上微酸的壽司飯下食用，層次感異常豐富，感覺好幸福呀跟著有我同媽咪都好鍾意食既蟹籽沙律，青瓜切得厚薄適中，蟹柳絲軟甜滋味，加埋特製沙律醬及爽口鮮甜的蟹籽下，確實很美味，唯一缺點就是碟子太似皂碟，如改成普通碟子，樣貌應會更為討好！呢餐雖然等左咁耐先有得食，不過都真心覺得抵，因為真係好食！！