Video
Read full review
2014-02-18
15463 views
新春陪夫人同一眾兄弟團拜，揀左新正頭豪氣一次，於半島開餐，一試今佐週末半自助晚餐因同行有嬰兒，VIP房無booking，得以入座房內長餐枱，每人都有足夠空間用膳坐低一陣就送上頭輪刺身拼盤，等我地坐下邊食邊傾而waitress嘅服務都非常殷勤，推介唔同嘅美食，收碟加水都好快手頭輪刺身後就行出去試埋壽司同必食嘅海膽海膽嘅回本值最高，前前後後食左十份左右，不過質素唔太穩定，有小部份不太新鮮，有少少苦再黎就食啲暖胃嘅：茶杯蒸、鱈蟹炊。茶杯蒸旦味俾松露蓋過，有點失望；但蟹粥香甜同較稀，喺自助餐中間食一碗，滿足果腹之欲又唔會太飽，good!主菜有兩款，一為燒喜之次魚，一為鐵板蠑螺。燒魚皮脆肉滑，但調味略嫌重手；反而燒螺醬汁恰到好處，配上清新露荀，精緻伴碟，全道菜大為加分。隨主菜附上和牛稻庭湯烏冬，𣎴過麵質太淋，食完和牛已不太感興趣，兩口過後已重投刺身海膽嘅懷抱最後到人人期待嘅甜品時間，亮點係半島名物士多啤梨卷，仲有非常出色嘅馬卡龍，外脆內軟不太甜是日雪糕有紅豆味同3.6牛乳味，兩味皆優食完呢餐非常滿足，以此價錢於半島酒店享用服務同味道都優異嘅日式半自助餐，稱不上100分，但已值回票價
因同行有嬰兒，VIP房無booking，得以入座
房內長餐枱，每人都有足夠空間用膳
坐低一陣就送上頭輪刺身拼盤，等我地坐下邊食邊傾
而waitress嘅服務都非常殷勤，推介唔同嘅美食，收碟加水都好快手
頭輪刺身後就行出去試埋壽司同必食嘅海膽
海膽嘅回本值最高，前前後後食左十份左右，不過質素唔太穩定，有小部份不太新鮮，有少少苦
再黎就食啲暖胃嘅：茶杯蒸、鱈蟹炊。茶杯蒸旦味俾松露蓋過，有點失望；但蟹粥香甜同較稀，喺自助餐中間食一碗，滿足果腹之欲又唔會太飽，good!
主菜有兩款，一為燒喜之次魚，一為鐵板蠑螺。燒魚皮脆肉滑，但調味略嫌重手；反而燒螺醬汁恰到好處，配上清新露荀，精緻伴碟，全道菜大為加分。隨主菜附上和牛稻庭湯烏冬，𣎴過麵質太淋，食完和牛已不太感興趣，兩口過後已重投刺身海膽嘅懷抱
最後到人人期待嘅甜品時間，亮點係半島名物士多啤梨卷，仲有非常出色嘅馬卡龍，外脆內軟不太甜
是日雪糕有紅豆味同3.6牛乳味，兩味皆優
食完呢餐非常滿足，以此價錢於半島酒店享用服務同味道都優異嘅日式半自助餐，稱不上100分，但已值回票價
Post
