樂糖 (Closed)

來咗天晉匯新開嘅甜品舖，整體感覺唔錯。雖然舖的面積唔算好大，入面裝飾幾色彩繽紛，燈色亦好光。甜品的款色亦好齊，好多仲好有特色。小弟就點咗個樂糖脆多士，超大份，兩個人一齊食都超飽肚。而呢個脆多士用咗燒菠蘿配雲呢拿雪糕整成，燒菠蘿亦係菲律賓菠蘿，比起一般菠蘿特別甜。好鍾意多士沾上雲呢拿雪糕的味道，而多士好脆口，不過食到尾就唔係好夠雪糕啦，一無咗雪糕就有D乾身。朋友就點咗個桂花味的日式甘酒，幾鍾意甘酒的米軟腍但有嚼勁，再帶桂花香，甜味比較重。水信玄餅係桂花荔枝味，口感好似Jelly，好彈，雖然味道唔太突出，但清清地都唔錯。花茶味道清清地，幾香，配甜品唔錯。