新泰東南亞餐廳 (太子集團中心) (Closed)

同朋友兩個放完工，去尖沙咀搵嘢食。朋友話想食泰國嘢，於是我哋就食呢間新泰啦。呢間新泰喺北京道太子集團大廈，食呢間係因為方便之後行街街。餐廳喺地牢，環境大，座位寬敞，坐得舒服之餘又有私隱，值得一讚。冬陰功湯 (⭐⭐⭐⭐⭐)冬陰功湯個冬陰味非常香濃，有少少辣但可以接受，作為前菜可以幫助開胃，刺激食慾。咖喱軟殼蟹包 (⭐⭐⭐⭐⭐)價值$200左右嘅泰菜款式係重點。咖喱嘅濃度啱啱好，唔會好辣，用一個大包盛載。大包挖到空心，剪出黎嘅包就放喺側邊，一舊舊。軟殼蟹有幾條放咗喺咖喱入邊，另一半就向天突咗出嚟。軟殼蟹好鬆脆，咀嚼得津津有味。而咖喱用嚟點包就真係冇得彈。個軟殼咖喱包賣相幾好。嘢飲方面，點左椰汁冰。椰汁冰香滑，濃濃嘅椰汁味非常有泰式嘅感覺。~~~~~~~~~~~~~~~~~~~~~~~~ 新泰東南亞餐廳 尖沙咀北京道12A號太子集團中心8樓推介菜式：咖喱軟殼蟹包 👍🏻環境寧靜 👍🏻泰式風味 👍🏻地點方便