滬點 (Closed)

今晚約左好耐冇見嘅朋友食晚飯 揀左係銅鑼灣附近食 7:30pm已經好多人 一坐底左之後 就拿拿臨叫野食 因為實在太肚餓😹***第一碟送到嘅係灌湯牛肉餡餅 呢個真係印象深刻 因為好多肉汁 必叫食物 要小心燙嘴慢慢咬開 招牌小籠包薄皮多汁 一個人都ko哂4隻😹 之後仲叫左雞絲粉皮同十三香煎蔥油餅 用個小籃仔裝住 得意得黎幾香口 主食方面叫左碗少少辣嘅擔擔麵 味道不過不失 不過黃金蝦球就唔錯 炸得香脆 蝦又大隻彈牙 中意咸蛋黃味道嘅一定要試 最後金腿乾煸四季豆炒得幾有獲氣 仲有好多肉粒