尚夢・茳煳 (Closed)

喺灣仔做嘢嘅朋友帶路，嚟咗呢間餐廳食晚飯，呢度裝修幾新派，杯杯碟碟幾精緻。叫咗三個小菜，欖菜欖角上肉排，肉排炸得好香脆，肥瘦相間，入口有彈牙，香脆外層有甜甜地嘅醬汁，加上鹹香欖菜欖角，味道非常突出。鹽燒野生黃魚，原條炸魚，整條魚都係脆卜卜，每個位食得，面有少少孜然粉及白芝麻，少少香辣味，味道幾香脆惹味，幾好配酒。特色艇佬雜菜煲，面頭有啲銀魚仔，魷魚，魚乾及蝦米，中間啲粉絲吸收晒個魚湯，鮮味爆棚，旁邊有西蘭花，小棠菜，白菜仔，生菜及菜心，食材非常豐富，原煲上枱，師傅好細心擺放各種食材，賣相好吸引。整體味道幾香濃惹味，價錢公道，適合飲下啤酒吹吓水！