尚夢・茳煳 (Closed)

一家人最啱就係去食中菜但好食又精緻嘅中菜就唔易搵 今日嚟到呢度灣仔食新派精品中菜！🤩 特別推介佢呢度嘅小菜 唔單止有特色 賣相同味道都一流！一嚟就有熱辣辣嘅燉湯飲 餐廳好細心咁一路保溫嗌咗兩款燉湯 一個係雪梨一個係螺頭湯一食就知用料好足 非常好飲😌最推薦嘅，就係佢嘅☀️脆皮牛臉肉呢個相當之有驚喜 平時魚嘅面珠燈就食得多 牛嘅面珠燈就第一次食 肉嘅質感非常之淋 入口即溶 😚 以佢嘅外表炸到脆卜卜 令到成個口感層次好豐富 外表脆但裏面好軟☀️宮廷香烤骨呢個烤骨得好入味 味道好濃郁 一擺上枱已經令人垂涎欲滴😍 裏面嘅軟骨已經炆到林晒 加埋伴碟嘅汁 撈埋啲菜 非常好味 🤤☀️香煎龍躉球龍躉球食得出本身魚嘅肉質好好 非常之新鮮 所以只要輕輕香煎 加埋適當嘅調味 就已經好好味 雖然聽落好簡單 但係令人覺得好好味嘅唔多 而呢個絕對係值得食😇☀️終極小炒皇小炒王用咗好多韭菜同埋其他配料 整體炒得好有鑊氣 非常惹味 配飯一流☀️茳煳炒飯 最咪仲叫咗兩個主食 特別喜歡呢個炒飯 佢用咗一啲蛋黃炒 所以食落好香口 啖啖有蛋黃味 我平時都比較少食到呢種炒飯 所以就好鍾意🫶🏻☀️桂花咸魚蓉炒米粉最尾呢一個炒米粉 味道比較特別