Video
Read full review
2023-01-12
616 views
👨🏻🍳新派打卡粵菜🧞♂️-平時出街都比較少食中菜 不過見呢間係之前食過嘅姐妹店 仲有打卡同玩嘢menu 比起一般中菜多咗分玩味😚 由menu同裝修到AR睇餸嘅示意圖都知佢地好玩得😹-🦀甲羅燒蝦多士 $128蝦多士平時都有食 不過加埋甲羅燒都冇乜點見過 一上盤已經心心眼 因為總共有四大塊 仲要好足蝦肉 蟹膏蟹肉同蟹子都好足料😍 多士炸完唔會好油反而好鬆脆 加埋甲羅燒 海洋嘅鮮味喺口入面大爆發 佔唔到都幾夾😗-🐥蔥蒜水晶雞 半隻 $148水晶雞本身肉質整得已經好嫩滑 食落唔會鞋 加埋佢嘅蔥蒜醬 香得嚟加咗有少少醋 酸酸地幾開胃 送飯一流😍 仲要半隻已經好大份 最啱一班人一齊share🥰 如果有1/4份㨂就更加好 可以就番2-3人份呀嘛🤣-🐟招牌焗魚腸 $108呢個我哋見到好多枱都有叫 所以我哋都叫咗一個嚟食😂 佢其實係魚腸肉碎同蒸蛋再焗 佢一上菜已經好正 最表面個層嘅蛋係焗到金黃色 形成咗脆脆嘅一層 而中間嘅蛋液仍然維持住少少流心嘅狀態 再加上爽口嘅魚腸 唔會太腥 層次感十足🥳-🍲蟹味銀絲鍋 $98出街食飯最鍾意食啲煲仔嘅菜式 呢個銀絲鍋都落咗唔少蟹肉同芫茜 幾香口😙 因為用咗煲仔上 佢
-
平時出街都比較少食中菜 不過見呢間係之前食過嘅姐妹店 仲有打卡同玩嘢menu 比起一般中菜多咗分玩味😚 由menu同裝修到AR睇餸嘅示意圖都知佢地好玩得😹
-
🦀甲羅燒蝦多士 $128
蝦多士平時都有食 不過加埋甲羅燒都冇乜點見過 一上盤已經心心眼 因為總共有四大塊 仲要好足蝦肉 蟹膏蟹肉同蟹子都好足料😍 多士炸完唔會好油反而好鬆脆 加埋甲羅燒 海洋嘅鮮味喺口入面大爆發 佔唔到都幾夾😗
-
🐥蔥蒜水晶雞 半隻 $148
水晶雞本身肉質整得已經好嫩滑 食落唔會鞋 加埋佢嘅蔥蒜醬 香得嚟加咗有少少醋 酸酸地幾開胃 送飯一流😍 仲要半隻已經好大份 最啱一班人一齊share🥰 如果有1/4份㨂就更加好 可以就番2-3人份呀嘛🤣
-
🐟招牌焗魚腸 $108
呢個我哋見到好多枱都有叫 所以我哋都叫咗一個嚟食😂 佢其實係魚腸肉碎同蒸蛋再焗 佢一上菜已經好正 最表面個層嘅蛋係焗到金黃色 形成咗脆脆嘅一層 而中間嘅蛋液仍然維持住少少流心嘅狀態 再加上爽口嘅魚腸 唔會太腥 層次感十足🥳
-
🍲蟹味銀絲鍋 $98
出街食飯最鍾意食啲煲仔嘅菜式 呢個銀絲鍋都落咗唔少蟹肉同芫茜 幾香口😙 因為用咗煲仔上 佢仲做到粉絲少少燒焦變成脆脆嘅效果 鍾意飯焦嘅朋友應該會好開心😍
-
🎃金湯海皇豆腐煲 $98
食咗咁多重口嘅菜式 要食番啲菜😂 金湯其實姐係南瓜 佢呢煲嘅調味會比較清新啲 突顯返南瓜嘅甜品 再加上海鮮嘅鮮甜 配埋豆腐 又係一個送飯嘅菜色😗
-
🍧甜品
1️⃣楊枝甘露 $30
2️⃣椰汁椰果爆珠仙草 $28
楊枝甘露正常發揮 芒果肉都比得幾足下 西米露都唔會煮到好淋 唔錯😚 仙草配料好多款 有少少似台灣湯水鋪嘅感覺 而且佢嘅感覺更加refreshing😘 整體甜品都唔錯 值得叫嚟試下
-
📍 小神燈新派飯館 (將軍澳)
將軍澳調景嶺彩明街1號彩明商場2樓251-252號舖
Post
