Video
Read full review
2025-01-14
728 views
圍方最近進駐左好多大品牌餐廳其中一間係呢期冒起主打新派浙菜的綠茶餐廳天氣凍凍地最岩飲啖湯食個包歎番啖茶一於帶埋屋企人黎踩踩點 試伏嚐鮮就岩哂我🤪本身上網睇到又話咩服務唔好呀安排唔好呀但我地食完都一致無投訴等我平反下先我地今次黎既係大圍分店綠茶餐廳 (圍方)地址: 大圍車公廟路18號圍方3樓321A號舖電話: 26998318又黎眼闊肚窄系列一個唔小心咩都想試🤣仲話有d係香港限定菜式唔係唔試呀話？！一行我全都要既二人我地叫左六樣嘢🤣分別係1)葱香脆皮烤鴨$128-佢嘅特調葱好好味，空口食又唔會覺得太鹹，再夾咗少少加落去豬肉包度不得了😂連埋下面嘅XO醬，再配上脆皮烤鴨！烤鴨唔會太肥👍2)老紹興喉口豬肉包$38-豬肉包一籠有五個，餡料十足又做一口size,熱辣辣又軟熟，豬肉調味足，口感不錯！3）雪菜酸湯魚片$128-熱辣辣飲啖湯，特別要大贊佢嘅魚片新鮮脆嫩，配上既支竹亦有厚度新鮮，一煲有四五大塊，酸湯味道剛好，再加埋蝦湯泡飯嘅脆米，正！4）蝦湯泡飯$88- 蝦湯嘅蝦味好濃郁，佢既蝦分別有蝦米同鮮蝦，再配上脆米增加口感，一兜分到三四碗！5）西湖雷蜂塔$28-呢個嚟睇香港限定特色菜，甜品口感軟糯
其中一間係呢期冒起主打新派浙菜的綠茶餐廳
天氣凍凍地最岩飲啖湯食個包歎番啖茶
一於帶埋屋企人黎踩踩點 試伏嚐鮮就岩哂我🤪
本身上網睇到又話咩服務唔好呀安排唔好呀
但我地食完都一致無投訴等我平反下先
我地今次黎既係大圍分店
綠茶餐廳 (圍方)
地址: 大圍車公廟路18號圍方3樓321A號舖
電話: 26998318
又黎眼闊肚窄系列
一個唔小心咩都想試🤣
仲話有d係香港限定菜式
唔係唔試呀話？！
一行我全都要既二人我地叫左六樣嘢🤣分別係
1)葱香脆皮烤鴨$128
-佢嘅特調葱好好味，空口食又唔會覺得太鹹，再夾咗少少加落去豬肉包度不得了😂連埋下面嘅XO醬，再配上脆皮烤鴨！烤鴨唔會太肥👍
2)老紹興喉口豬肉包$38
-豬肉包一籠有五個，餡料十足又做一口size,熱辣辣又軟熟，豬肉調味足，口感不錯！
3）雪菜酸湯魚片$128
-熱辣辣飲啖湯，特別要大贊佢嘅魚片新鮮脆嫩，配上既支竹亦有厚度新鮮，一煲有四五大塊，酸湯味道剛好，再加埋蝦湯泡飯嘅脆米，正！
4）蝦湯泡飯$88
- 蝦湯嘅蝦味好濃郁，佢既蝦分別有蝦米同鮮蝦，再配上脆米增加口感，一兜分到三四碗！
5）西湖雷蜂塔$28
-呢個嚟睇香港限定特色菜，甜品口感軟糯，聽講係由山藥做材料整成，冇違和感！
6）海苔松仁芝麻球$38
-呢個要趁熱食咗先，會有小流心，真材實料每一粒上嚟都脹卜卜，糯米煙韌得來唔會太黐牙，一碟有五粒！
另外茶錢每人$12，環境氣氛亦不錯，裝潢華麗，員工衣着相當有誠意，有一秒飛到浙江嘅感覺🤣🤣🤣
#foodiecollecti #圍方 #圍方餐廳 #大圍美食 #浙江菜
Post
