Video
Read full review
2018-09-09
436 views
兩好朋友生日，其中一朋友鍾意食烤鴨，咁啱見到呢度食新式烤鴨，就約埋姊妹試下同舊式有乜分別！呢間舖頭响海運中心新起嘅地方，面對無適大海景，室內環境清靜，人生一樂也！我哋安排坐响窗邊位置，感覺良好！先嚟松露蠔仔煎蛋，有啲似食蠔餅，不過可能上面有黑松露，撈埋一齊食又唔算好油膩，唔錯！跟住就係芥末沙律蝦球同羲和小肉餅，蝦球好爽口，有米通墊底，配埋帶有少少酸同攻鼻嘅芥末沙律好醒胃呢！至於羲和小肉餅整到似卷餅，咬落去鬆化！個人最鍾意呢個金塼豆腐塊，即係椒鹽豆腐，外脆内軟，又唔算好咸，好味，不過要小心燙口呢！烤鴨配料以八寶盒形式咁上，好多花款，新式食法果然多花款，連爆炸糖都有，夠哂特別！終於等到主角喇！由於我哋只有三個人，所以訂咗半隻，另外半隻就係隔離枱，所以師傅會向响我哋兩枱之間瓜分呢隻鴨！呢度唔會一次過上哂全部鴨而係分開上，侍應再介紹唔同部位應點配搭會好啲，配搭爆炸糖响口入面爆係幾得意，直情童年回憶返哂嚟！雖然新派食法係幾得意，但我略嫌啲配料搶咗鴨本身嘅味道，另外食開嘅烤鴨塊皮係脆，呢度鴨皮唔算好脆，要讚嘅係呢度嘅烤鴨冇咁肥，食多幾舊都唔覺好滯，感覺冇咁罪惡呢！
呢間舖頭响海運中心新起嘅地方，面對無適大海景，室內環境清靜，人生一樂也！
我哋安排坐响窗邊位置，感覺良好！
先嚟松露蠔仔煎蛋，有啲似食蠔餅，不過可能上面有黑松露，撈埋一齊食又唔算好油膩，唔錯！
松露蠔仔煎蛋
$88
25 views
0 likes
0 comments
跟住就係芥末沙律蝦球同羲和小肉餅，蝦球好爽口，有米通墊底，配埋帶有少少酸同攻鼻嘅芥末沙律好醒胃呢！
芥末沙律蝦球、羲和小肉餅
26 views
0 likes
0 comments
至於羲和小肉餅整到似卷餅，咬落去鬆化！
羲和小肉餅
$48
37 views
0 likes
0 comments
個人最鍾意呢個金塼豆腐塊，即係椒鹽豆腐，外脆内軟，又唔算好咸，好味，不過要小心燙口呢！
金塼豆腐塊
$108
29 views
0 likes
0 comments
烤鴨配料以八寶盒形式咁上，好多花款，新式食法果然多花款，連爆炸糖都有，夠哂特別！
薄餅及配料
17 views
0 likes
0 comments
終於等到主角喇！由於我哋只有三個人，所以訂咗半隻，另外半隻就係隔離枱，所以師傅會向响我哋兩枱之間瓜分呢隻鴨！
呢度唔會一次過上哂全部鴨而係分開上，侍應再介紹唔同部位應點配搭會好啲，配搭爆炸糖响口入面爆係幾得意，直情童年回憶返哂嚟！
雖然新派食法係幾得意，但我略嫌啲配料搶咗鴨本身嘅味道，另外食開嘅烤鴨塊皮係脆，呢度鴨皮唔算好脆，要讚嘅係呢度嘅烤鴨冇咁肥，食多幾舊都唔覺好滯，感覺冇咁罪惡呢！
Post
