慈素小聚

Open Now

Now Closed

同朋友去咗呢間新派素食，地點好方便，好喜歡的Tiffany blue 顏色，大玻璃窗採光夠，環境同座位都好舒服。呢度食物係即叫即做所以要啲時間，食物質素好滿意有驚喜，推薦就算唔係食素嘅都要來試吓。🔶 素食三文魚拼盤擺盤靚打卡必叫，上枱時噴煙好有氣勢，用蒟蒻做嘅素三文魚口感做得幾好，點埋芥末豉油真係覺得自己食緊刺身咁好有驚喜。🔶四川擔擔麵調味帶小小辣味，湯頭相對比較清，擔擔面嘅質地幾好，我哋放耐左先食都唔會淋曬。🔶鮮竹蒸牛肉球🔶燒賣兩款點心賣相都好靚，食落口感真係幾似，仲會配埋喼汁、辣椒豉油，味道都唔錯。🔶京都片皮鴨餅皮熱辣辣軟熟，配料醬汁都做到好足，素片皮鴨口感有咬口，包埋餅皮配料一齊食。🔶椒鹽白靈芝菇呢個炸到好香口，再加上椒鹽調味，食一啖後就會不停想繼續食😂🔶桂圓南棗茶滋潤養生我哋女士們必點，甜甜地食完之後飲啖呢個茶好舒服。