尚夢・茳煳 (Closed)

好耐冇食過中菜啦！呢日去咗尚夢・茳煳食晚餐，餐廳共有兩層，樓上係廂房，私隱度較高，地下係卡位，點咗幾款小菜味道都唔錯！欖菜欖角上肉排($98)肉排肉質軟腍，肥瘦均勻，甜甜嘅醬汁配搭鹹香嘅欖菜，鹹鹹甜甜，非常惹味！鹽燒野生黃魚($158)原條野生黃魚炸至脆卜卜，每個位都食得，上面灑上孜然粉，香脆惹味。花膠海參蝦米濃湯雜菜($158)超級推薦！大大嘅一煲，放滿不同嘅時蔬，例如：西蘭花，白菜仔及菜心，面頭有花膠，海參，菇類及蝦米，材料舖得滿滿，非常豐富！高湯好鮮甜，雜菜吸收湯嘅鮮味，好好食！中間亦有粉絲，完全冇浪費！