檸檬冰室 (荔枝角道)

Open Now

Now Closed

呢間冰室位於深水埗，以黃色為主調，燈光猛烈，座位舒適，地方整潔，行新派路線，令人感覺十分舒適😚 餐廳提供各款常見嘅中、西式料理，鐵板燒、意粉飯、住家菜、邪惡西多士、公仔麵等～ 食物種類繁多，雖然看似平平無奇但估唔到幾有驚喜，經過可以一試☺️ 晚市超值套餐由五點後供應，有齊中西餐湯、白飯、熱飲同兩款中式小菜，上枱時熱辣辣而且份量十分驚人，比想像中多咗成倍，細食嘅話懷疑三至四個人都夠分🤣菜心炒牛肉油光滿面，色澤綠油油，前者清甜爽口，後者滑嫩多汁，兩者搭配健康又美味🐮 粟米滑蛋斑塊外皮炸至香脆，內裡結實，無雪味，芡汁鹹度同濃稠度調配得啱啱好，配飯一流👍🏻另外貪得意所以叫多咗份黑松露芝士炒蛋多士，外層焗至脆身，唔會太厚，炒蛋熟度適中，蛋汁均勻，入口嫩滑，放埋黑松露同芝士更能突顯出佢獨特嘅味道，果然無叫錯🍳