Video
Read full review
2020-02-10
492 views
餐廳：點心廊 (旺角)地址：旺角彌敦道639號雅蘭中心2樓201號舖點心廊係一間點心同藝術合二為一嘅餐廳，每一款嘅點心既有傳統風味，亦都有新派又新奇嘅感覺，吸睛之餘見到都流哂口水，聽講啲野食仲要係由酒店級師傅主理，剩係聽都知夠哂高質海膽鳳眼餃 $68用紅菜頭汁染色嘅粉紅蒸籠非常搶眼，唔係用化學顏色去整所以絕對唔洗驚食壞肚，海膽鋪滿係餃子上面，滑嫩順口，餃子皮薄唔痴牙，蒸煮時間同過程掌握得好好原隻鮑魚雞粒酥 $48係成隻鮑魚上嘅雞粒酥，鮑魚軟腍彈牙，一咬即分開，仲有鬆脆嘅雞粒酥係底，上下兩種唔同嘅質感形成強烈嘅對比，齒頰留香富士竹炭叉燒包 $38鬆軟嘅叉燒包用上竹炭粉去製成竹炭叉燒包，麵包做到微脆而軟腍，唔會好乾身，加上白色麵粉灑係麵包上面，外形真係好似用黎收藏嘅石頭咁，好酷！鮑汁花膠撈飯 $88花膠爽滑，切成碎粒再堆砌係飯嘅外圍，唔洗自己再由一大舊慢慢咬開，非常方便，芡汁唔會好濃稠，相反為炒飯帶黎濕潤嘅感覺，顯得高貴好食估唔到一間酒樓都會有咖啡奶茶呢啲飲品，真係打破左傳統茶樓嘅局限，叫左一杯熱朱古力 ($30)，神奇嘅係佢地仲會拉埋花，夠哂心思
地址：旺角彌敦道639號雅蘭中心2樓201號舖
點心廊係一間點心同藝術合二為一嘅餐廳，每一款嘅點心既有傳統風味，亦都有新派又新奇嘅感覺，吸睛之餘見到都流哂口水，聽講啲野食仲要係由酒店級師傅主理，剩係聽都知夠哂高質
海膽鳳眼餃 $68
用紅菜頭汁染色嘅粉紅蒸籠非常搶眼，唔係用化學顏色去整所以絕對唔洗驚食壞肚，海膽鋪滿係餃子上面，滑嫩順口，餃子皮薄唔痴牙，蒸煮時間同過程掌握得好好
原隻鮑魚雞粒酥 $48
係成隻鮑魚上嘅雞粒酥，鮑魚軟腍彈牙，一咬即分開，仲有鬆脆嘅雞粒酥係底，上下兩種唔同嘅質感形成強烈嘅對比，齒頰留香
富士竹炭叉燒包 $38
鬆軟嘅叉燒包用上竹炭粉去製成竹炭叉燒包，麵包做到微脆而軟腍，唔會好乾身，加上白色麵粉灑係麵包上面，外形真係好似用黎收藏嘅石頭咁，好酷！
鮑汁花膠撈飯 $88
花膠爽滑，切成碎粒再堆砌係飯嘅外圍，唔洗自己再由一大舊慢慢咬開，非常方便，芡汁唔會好濃稠，相反為炒飯帶黎濕潤嘅感覺，顯得高貴好食
估唔到一間酒樓都會有咖啡奶茶呢啲飲品，真係打破左傳統茶樓嘅局限，叫左一杯熱朱古力 ($30)，神奇嘅係佢地仲會拉埋花，夠哂心思
Post
