孔夫子 (Club East洞天) (Closed)

估唔到觀塘都有一間比較新派嘅中餐，當日五時仲見到好多枱都有叫佢哋嘅招牌叉燒，可惜因為前一晚食咗希爾頓應酬嘅叉燒所以今日就冇叫到，留返下次先試，呢度點心擺盤精緻，味道正常，重點係唔重口味，選擇上叫做貴精不貴多，特別叫做心刻都有幾款，帶子菜苗餃，形狀似燒賣，底部鋪滿菜苗上面一大粒帶子，食落冇燒賣咁油膩，蝦餃燒賣都好飽滿，味道正常，唯一不足之處係放蝦餃蒸籠係方型，冇足夠嘅空間分開放，有機會夾起嘅時候會整爛塊皮，糖醋咕嚕肉脆麵麵底啖啖脆卜卜，咕嚕肉就要快啲食因為俾個醬汁浸住，最差嗰碟應該係脆麻花唔夠甜味，而且仲有少少漏氣添。