六小館

今日約咗住喺東涌嘅好朋友一齊去東薈城outlet行下，shopping完之後，我哋喺附近見到呢間「六小館」就即刻上網睇下有冇優惠，原來經openrice有66折優惠享譽午餐2位用套餐及4位用套餐，仲可以$6.6加購優惠價，真係好抵，就決定喺度食。門面裝修幾靚，清優雅致，闊落寬敞，服務員招呼週到。午市二人精選套餐📍六小館瑤柱竹笙灌湯餃X2湯底清甜，大大隻湯餃和原粒瑤柱，竹笙吸滿湯汁，味道更好。📍紅燒開邊石岐乳鴿皇即叫即燒，皮脆肉嫩又多汁，餐廳仲會提供膠手套進食，真係夠曬細心。📍紅米鮮蝦帶子腸第一次食紅米整嘅腸粉，粉皮軟熟，裏面有脆卜卜嘅響鈴和鮮蝦，仲有帶子和翠玉瓜，材料豐富又有營養。📍蜆介薑蔥鮮淮山安格斯牛頸脊煲上枱熱騰騰，牛頸脊軟嫩多汁，份量都唔少。鮮淮山爽甜，蜆介有鹹香味，加埋薑蔥一齊煮更好食。值得推介👍📍白灼韭菜花新鮮嘅韭菜花爽口清甜。📍蒜香蔥油涼拌墨魚汁麵炸香咗嘅蒜片和蔥油，味道濃郁，墨魚麵爽口彈牙，食到底都仲有汁唔會乾，好食。📍甜品:杞子桂花糕淡淡嘅桂花香和杞子嘅清甜，非常夾的甜品，唔錯。