金萊餐廳 (Closed)

呢日係銅鑼灣見到間好精緻嘅茶餐廳，見佢主打食燒味，望落好吸引，一於入去試吓先。雙拼要咗燒鵝同燒腩仔（$156）- 燒鵝真心好味，肉質鮮嫩有油香，但唔會太肥膩，入口啖啖肉。燒腩仔香脆，味道唔錯。乾炒牛河（$64）- 炒得好香口入味，夠鑊氣。特別鍾意佢嘅河粉好煙韌，有口感。金磚四角西多士（$45）- 邪惡之選，賣相好正。炸得好香脆，入面有花生醬，配牛油同糖漿食，真係一流。飲品點咗涼粉紅豆冰（$32） 同熱檸蜜（餐+$5）- 涼粉紅豆冰份量多，紅豆煮得好淋，味道超正。餐廳食物質素唔錯，價錢相當抵食，選擇多元化。環境舒服，比一般茶記好坐。