Video
Read full review
2022-10-15
25 views
最近工作比較忙，忙完過後係需要獎勵一下自己，食好一點，食得有質素，見到呢間新開既Omakase菜式比較fushion，將西式元素融合，可以品賞到不一樣既Omakase， 帶黎全新體驗。晚餐有兩款餐單，$1380或$1880，我地就選了$1880，有21款菜式，包括前菜、時令刺身、和食、小食、時令壽司等。餐廳位於銅鑼灣，座位不多，大約只有十多個座位，但每一個位都好寬闊，唔會焗促，裝修帶簡約風格，以木色為主。前菜有三款(汁煮梅貝、醬油漬吞拿魚、秋葵)梅貝配醃蘿蔔，梅貝非常爽脆、醬油漬吞拿魚上面放了山藥醬，令吞拿魚更鮮甜、最後將秋葵放入酸汁裡面一齊飲，呢款食完更開胃。甜蝦他他師傅將甜蝦砌成他他醬，口感幼軟，食落有點黏黏既感覺，再加入紫蘇花調味，令甜蝦更鮮甜，另外仲有一個蝦膏湯，食完一半飲，口感更濃。春鯛壽司春鯛握壽司鮮甜清香。北海道帶子壽司配馬糞海膽係帶子壽司裡面放左蒸熟左既馬糞海膽，帶子好厚身，而馬糞海膽口感creamy，兩種味道好夾。秋刀魚卷10月正正係秋刀魚既收成期，魚肉嫩滑，中間放左紫蘇葉，紫蘿蔔，同埋自制既壽司薑，口感豐富。火炙赤鯥魚壽司赤鯥魚魚身光亮，魚皮滑溜，肉質鮮甜，係上面加
最近工作比較忙，忙完過後係需要獎勵一下自己，食好一點，食得有質素，見到呢間新開既Omakase菜式比較fushion，將西式元素融合，可以品賞到不一樣既Omakase， 帶黎全新體驗。晚餐有兩款餐單，$1380或$1880，我地就選了$1880，有21款菜式，包括前菜、時令刺身、和食、小食、時令壽司等。
餐廳位於銅鑼灣，座位不多，大約只有十多個座位，但每一個位都好寬闊，唔會焗促，裝修帶簡約風格，以木色為主。
前菜有三款(汁煮梅貝、醬油漬吞拿魚、秋葵)
梅貝配醃蘿蔔，梅貝非常爽脆、醬油漬吞拿魚上面放了山藥醬，令吞拿魚更鮮甜、最後將秋葵放入酸汁裡面一齊飲，呢款食完更開胃。
甜蝦他他
師傅將甜蝦砌成他他醬，口感幼軟，食落有點黏黏既感覺，再加入紫蘇花調味，令甜蝦更鮮甜，另外仲有一個蝦膏湯，食完一半飲，口感更濃。
春鯛壽司
春鯛握壽司鮮甜清香。
北海道帶子壽司配馬糞海膽
係帶子壽司裡面放左蒸熟左既馬糞海膽，帶子好厚身，而馬糞海膽口感creamy，兩種味道好夾。
秋刀魚卷
10月正正係秋刀魚既收成期，魚肉嫩滑，中間放左紫蘇葉，紫蘿蔔，同埋自制既壽司薑，口感豐富。
火炙赤鯥魚壽司
赤鯥魚魚身光亮，魚皮滑溜，肉質鮮甜，係上面加左刨左既魚籽，滿滿咸香味。
仙鳳趾生蠔配泡醋沙冰及柚子皮
來自北海道既仙鳳趾生蠔，真係每一次食都咁鮮甜，生蠔肥大、質感幼滑、味道清新爽口，再係上面刨上特製泡醋沙冰同埋柚子皮，更加可以突出生蠔既鮮味。
間八魚
間八魚魚脂充足，用櫻花木煙燻20秒，再加入蔥，茗荷同埋黑松露，魚味更加濃郁、口感層次更豐富。
燒和牛
食完壽司，中間食返個熱食，和牛肉質非常軟熟，入口即溶，燒完後都能夠鎖住肉汁，油脂分佈非常平均，入口即溶，成口都係油香，仲有4款唔同既調味料配制，有食鹽、山椒鹽、蒜鹽和辣麵豉。
龍珠果，神秘果
第一次食龍珠果和神秘果，師傅建議先食半粒龍珠果，清一清味蕾，龍珠果非常清甜，神秘果不可以咬，只可以放係口裡面含著，取其味道，如果咬開會有苦味，之後再食半粒龍珠果，口腔即刻清新哂。
炙燒梭子魚
有兩款口味，一款加入柚子胡椒，而另一款加入漬物，炙燒過既梭子魚非常香口，兩款口味都好夾。
南非鮑魚
蒸了3個鐘既南非鮑魚，口感依然爽脆，鮑魚味濃，一款加了海膽，另一款加了肝醬飯，非常特別。
北海道小川海膽
第一次食北海道小川海膽，色澤鮮黃，外形飽滿，味道鮮甜，師傅放了淡雪鹽調味，更能突出海膽既鮮味。
金目鯛
將金目鯛的表皮輕輕炙燒過，配搭無花果，魚油香濃，無花果非常清甜，兩者兩常夾。
花竹蝦
花竹蝦超大隻，非常厚身，爽口彈牙，自家制蝦鹽，咬落去非常有口感。
筋子
咬下滿口爆珠感覺，鮮味濃郁。
稻草煙燻拖羅
煙燻過既拖羅冇咁膩，有少少稻草味，感覺好清新，而且可以配蛋漿同白飯一齊食。
𩶘魚湯
係食甜品之前會先飲湯清一清，呢款𩶘魚湯極為鮮甜又帶濃郁的魚香味。
自家制菠蘿雪糕+蜜瓜
最後食埋甜品一樣咁出色，自家制菠蘿雪糕，食落有粒粒菠蘿，而且非常清甜，有口感之餘又非常幼滑。
Post
