上海佬餐館 (Closed)

聽同事講杜老誌道新開一間新既上海菜，就諗住初四去開年。原來就係The Tonno既1樓，之前試過佢地既上海菜，已經覺得唔錯，去度原來依家變作一間餐廳，變得更加寬敞舒服，裝修得好型，全部都用黑色，都幾得意。 我地四個人要左一份四人lunch set。前菜：花雕酒醉雞 鎮江餚肉 香干馬蘭頭 脆皮素鵝 我個人就好鍾意食果個馬蘭頭卷， 好香好清甜。唔似其他上海餐廳食到既，苦苦地。同之前Business trip係上海食到既口味一樣。主菜：火腿津白崧子糖醋桂花魚宮保雞丁雲石豆腐羹因為我個人比較鍾意D酸酸甜甜口味既餸，呢道崧子糖醋黃魚好啱我，魚肉都好香，同埋好少骨，因為我食魚最憎骨頭。 配埋我地叫既豆腐羹， 一個字， 正！個甜品最正，又係上海典型小食 － 生煎包同埋酒釀圓子，酒釀圓子既桂花香味好濃郁，香港好少有桂花香味既酒釀圓子，食到我地個個都嘴lam lam。最后埋單$400鬆D， 價錢都算ok，雖然仲係好新，但係店員都好好招呼，下次會再來。