一家

Open Now

Now Closed

上海菜一向有點老派感覺，但其實在細微處稍為改變，例如改下啲餸菜名，餐廳裝修佈置…….🥗櫻花蝦麻醬秋葵秋葵食得多，但擺盤咁靚，又加埋櫻花蝦既真係比較少見，廚師好有心機一枝枝秋葵幢起，好香既櫻花蝦加埋麻醬秋葵，好開胃🐷外婆紅燒肉流心蛋叫外婆紅燒肉，唔知係咪外婆先識做呢😂紅燒肉用上一層肥一層瘦既五花肉，炆得好淋，脂肪層入口即溶，瘦肉層又夠淋，吸哂啲紅燒汁，非常惹味，除左紅燒肉，仲有啲魷魚條，都係非常入味，仲有隻清清地既流心蛋，令成個餸更豐富🥢紅油抄手有別於一般上海菜既辣紅油抄手，呢個較重酸味，辣味相對輕，偏重酸味反而令一般容易覺得油感重既抄手更清新🍹溫文爺爺叫“爺爺”其實係一杯椰子芝士奶蓋伯爵茶，伯爵茶裡面仲有椰子啫喱，口感🥣缸鴨狗玫瑰桂花湯丸賣相好靚，有幾片玫瑰花瓣在甜品裡，清新既桂花酒釀配上黑芝麻湯圓為成餐飯畫上完美句號