將軍會館

Open Now

Now Closed

將軍澳商場入面開店一段日子嘅酒樓，裝修光猛、新潮，相比傳統酒樓，我更加鍾意呢類唔鋪枱布、鵝蛋形枱，甚至有卡座嘅中菜館👍芝麻醬皮蛋豆腐芝麻醬超濃郁，皮蛋偏少，切晒粒，再加百頁豆腐，師傅刀功非常好作為頭盤一流沙薑豬手沙薑用上新鮮貨，切碎再混入蒜茸，淋上汁料，豬手切細粒、一口size，骨少又上味，未到好淋，少少爽口非常正鹹肉炒花菜辣度輕微開胃，椰菜花依然爽脆，鹹肉切得薄薄，所有味道非常融合咕嚕肉菠蘿、三色椒都唔夠肉多，脆漿算高質，放咗一段時間都依然帶少少脆口，咕嚕汁酸甜平衡非常開胃好味燒雞半隻過火，肉質偏乾同老，醃肉入味，唔洗醬油都好夠味清蒸龍躉斑由魚肚位開半，蝴蝶形咁蒸會比較快熟上枱，師傅應該都諗過炒檔時段要加快速度😂至於火候剛剛好，魚大、肉質結實有咬口，魚肉啱啱離骨，不過蒸魚豉油太淡、色淺，吊唔起魚嘅鮮味。。。4人6道菜大約$7xx，超飽！另自己帶酒去唔收開瓶費，打電話問嘅時候，Reception話只有茶杯當酒杯，搞笑地講酒刀唔見咗要自備酒刀😆