古今二 (觀塘工業中心)

Open Now

Now Closed

今日去左觀塘新開冇耐嘅日式料理餐廳，之前朋友都有介紹我去荃灣分店，不過九龍人嘅我真係好開心觀塘有分店，方便好多。超級龍捲風 $88由鰻魚同炸蝦整成，好有口感，而且舊舊都而足料，食落唔會好寡，因為醬汁同埋青瓜都好fresh。相撲力士 $88三文魚同吞拿魚都以一個Q版出現，雖然每一舊都細少少，不過食咁多飯真係會好漏，而家size岩岩好。三文魚頭湯鍋 $88好豐富嘅魚頭湯鍋，好食到不得了。個魚頭好大舊同埋有多舊魚鰓位，好正。湯頭好鮮甜，唔會係好鹹嘅上湯，直情飲曬個湯都好夠。古今日式餃子 $42外脆內juicy，賣相都好靚仔。加上餐廳好貼心用網底碟去裝，如果唔係濕氣會令到餃子好快淋。日式豬頸肉串燒 $26好juicy，不過就貴小小，不過送啤酒一流。龍卷風沙律 $68好大份嘅沙律，雖然唔係太大驚喜，不過真係好足料，醬汁都唔錯，好夠食。Overall黎講，真係幾好食，而且價錢都好合理，唯獨係可能要等下位，不過早d打去book位都ok。