帕莎 (Closed)

之前睇過食評見幾特別所以試吓新嘢，當升降機開門發覺環境好特別好中東Feel，入餐廳時待應生為我哋洗手(有帶呢好運意思)，好特別。不過餐廳無免費水提供呢樣就差Ｄ各人點咗Ｄ嘢飲，基本每杯都唔錯，除咗我自己嗰杯〝沉醉之味〞好難飲有Ｄ似藥水加冰新疆包(Free)，幾好味同幾鬆軟，搽Ｄ雞肝醬再好味Ｄ。羊肉烤卷，餅面好香好有肉汁，好好味。串燒雞、羊、牛，肉質鮮嫩有肉汁好香口，讚！馬腸焗烤餅，同食Pizza分別唔大，不過都好味。牛肉餡餅唔錯餅內好多肉汁。煎窩貼，皮加入南瓜做，而餡係鴨肉，好好味，讚！！烤包，焗得好香唔硬，正！鴨崧义子燒餅，鴨崧好好味又唔咸，配义子燒餅同烤包一流，讚！古法烤春雞，肉質嫩而表面有少少香草增添唔少香味，好味！醬爆包心菜，菜身幾爽脆食得肉多食Ｄ菜唔錯，正。菠蘿羊肉，甜甜酸酸Ｄ羊肉表面重幾脆，食落一Ｄ都唔似羊肉，好好味！！甜品紅綠豆桂花糕，不太甜幾香桂花味，正。拔絲士多啤梨，表面幾脆Ｄ士多啤梨就普通甜，OK之後有肚皮舞表演睇，好好氣份好熱鬧，正!!整體都好好，價錢又唔貴，如果有免費水提供就Perfect！