2 Soon Cafe

Open Now

Now Closed

2 Soon Cafe位於西洋菜北街，近太子港鐵站，拱門嘅入口，側邊特別留有個室外嘅座位區，特別啱駕車人士嚟打卡歎cafe。咁啱轉咗新菜單，今次點咗招牌嘅黑松露芝士忌廉雜菌通粉，松露香氣濃郁但不過份，配搭滑溜嘅忌廉醬汁啱啱好。蟹肉伏特加蕃茄忌廉粗管通粉嘅蟹肉都幾大方，份量爆多，粗管通粉軟硬適中，伏特加令蕃茄醬多咗層次感。香炸魷魚圈配柚子味噌醬外皮酥脆，魷魚食落夠juicy，配上清新嘅柚子味噌醬，完全冇油膩感。大愛抹茶食品，髒抹茶嘅抹茶味夠香濃，焙茶拿鐵奶泡濃密，口感細緻，提拉米蘇蛋糕鬆軟濕潤，Q彈嘅雙色蕨餅配黑糖嘅質地煙韌，黑糖香甜唔會太膩。2 soon cafe 系一間餐飲水準高嘅Cafe，經常全滿，周末更系一位難求，建議提前預約。