Video
Read full review
2024-07-26
103 views
喺新蒲崗行Mikiki，出面周圍都有好多好食嘅嘢，而且價錢仲幾平，我嚟到呢間主要食麵，但唔係普通車仔麵檔。首先我俾佢嘅鮑汁冬菇花膠吸引，加埋牛筋一碗米線，花膠係另上，份量豐富，牛筋又夠彈牙。另一款係清湯牛腩加雲吞嘅米粉，清湯嘅味道唔錯，牛腩又大大塊夠足料又唔會黐牙，煮得夠腍雲吞大大粒，入邊真係有幾隻蝦，好掂。仲叫咗碟芥蘭，同樣都係好豐富，比較驚喜係佢嘅脆炸小食，叫咗三樣我都覺得好出色，鮮奶卷絕對係外脆內軟，裏面有煙靭嘅口感，一食難忘。至於鯪魚球用料十足，大大粒，仲可以點芡汁，而且芡汁上面真係有一隻蜆。然後佢嘅魚皮大大塊又彈牙，清新得來又有酸甜嘅味道。值得一提嘅係佢嘅涼茶，支裝都幾大支，但只係$10，而佢各樣嘅米線加脆炸小食同菜，全部都唔貴，論份量同美味，直頭係超值。最後想講樓面嘅姐姐好熱情好客，對每一個顧客都好貼心，亦都好識介紹唔同嘅嘢食俾客人，值得一讚！菜單：鮑汁冬菇花膠 $54柱侯牛筋米粉清湯牛腩 $44招牌雲吞米粉雙拼 （各3）$34脆炸鮮奶卷脆炸鮮鯪魚球脆炸魚皮 $34芥蘭 $10涼茶祛濕茶 $10銀谷薏米 $10
首先我俾佢嘅鮑汁冬菇花膠吸引，加埋牛筋一碗米線，花膠係另上，份量豐富，牛筋又夠彈牙。另一款係清湯牛腩加雲吞嘅米粉，清湯嘅味道唔錯，牛腩又大大塊夠足料又唔會黐牙，煮得夠腍雲吞大大粒，入邊真係有幾隻蝦，好掂。
仲叫咗碟芥蘭，同樣都係好豐富，比較驚喜係佢嘅脆炸小食，叫咗三樣我都覺得好出色，鮮奶卷絕對係外脆內軟，裏面有煙靭嘅口感，一食難忘。至於鯪魚球用料十足，大大粒，仲可以點芡汁，而且芡汁上面真係有一隻蜆。然後佢嘅魚皮大大塊又彈牙，清新得來又有酸甜嘅味道。
值得一提嘅係佢嘅涼茶，支裝都幾大支，但只係$10，而佢各樣嘅米線加脆炸小食同菜，全部都唔貴，論份量同美味，直頭係超值。
最後想講樓面嘅姐姐好熱情好客，對每一個顧客都好貼心，亦都好識介紹唔同嘅嘢食俾客人，值得一讚！
菜單：
鮑汁冬菇花膠 $54
柱侯牛筋
米粉
清湯牛腩 $44
招牌雲吞
米粉
雙拼 （各3）$34
脆炸鮮奶卷
脆炸鮮鯪魚球
脆炸魚皮 $34
芥蘭 $10
涼茶
祛濕茶 $10
銀谷薏米 $10
Post
