源記餐廳

Open Now

Now Closed

今日經過見到呢度全新裝修後,感覺乾淨企理,以前都有食過,老實說以前感覺不太好,衛生情況同食物質素都比較一般,但今日見到裝修後光猛企理,食物都好似多元化左,同朋友決定再入去食個下午茶我點左個鮮蝦炸雲吞$42 ,炸雲吞新鮮炸起,熱辣辣,咬落去脆口,入面內餡好足料,食得到有蝦肉,揀左配半件西多士,好厚身,食物質素提升不少值得一讚~朋友點左個迷你燒味雙拼 $48 香脆燒腩仔同五香燻蹄,賣相都靚仔新鮮,燒腩仔皮脆肉嫩,完全唔乾身,以前食過講真賣相一般雖然今日食下午茶,感覺比以前改善了不少,下次試下早餐先~