雪山冰廳

Open Now

Now Closed

雪山冰廳係區內已經歷史悠久，地道懷舊茶餐廳食物都食到。現在經過裝修，地方寬敞明亮，坐得超舒服😃見到餐牌有新款式，係砂煲火鍋系列，岩晒冬天進補😋椰子文昌走地雞鍋沙鍋上枱，超有風味👏🏻一大碟文昌走地雞，職員會幫手放入鍋內，大約煮10分鐘就食得。一開蓋就有椰子清香，雞肉嫩滑鮮甜，超滋補😍另外仲有秀珍菇，生菜，娃娃菜，牛丸，魚旦，獅子狗同珍寶蟹棒。蟹棒超大條，大滿足。鼓汁蒸盲曹可以揀鼓汁，冬菜或者清蒸。即叫即蒸，熱辣辣好鮮味。盲曹多肉少骨，岩晒我🤤🌟除了傳統茶餐廳美食，呢度加入左砂煲火鍋同蒸魚系列都相當好食，加上環境變得更舒服，真係區內好選擇。