丸十日本食堂 (Closed)

每次去到‘’丸十‘’都會有選擇困難，餐牌上實在有太多選擇：刺身，壽司，鍋物定食，天婦羅，鐵板燒，燒物...........可說是應有盡有。每次望住餐牌都心大心細😍，要考慮好耐好耐先做到決定😅最終我點左特上海鮮丼加抹茶拿鐵，朋友點左特上壽司烏冬定食。壽司🍣定食只有8件，烏冬亦唔算太大碗，份量唔算太多。而海鮮丼份量就相對大碗，有三文魚腩，牡丹蝦，帶子，三文魚子，仲有海膽；全部都好新鮮美味，再加埋好特別既抹茶拿鐵，熱奶倒入抹茶冰粒，睇住冰粒慢慢溶化，感覺好治癒，又係大滿足既一餐😍。