牛氣沖天清湯腩專門店

Open Now

Now Closed

水車館街舊鋪關左之後，今次係第2次再食呢間新鋪，都係外賣。牛氣係水車館街俾我既印象係大碗，湯有牛香又甜，牛腩更加係新鮮好食。所以重開後都抱有好大期望，但第一次食既感覺係比街邊是但一碗牛腩粉都差，湯冇味亦唔香。見到社交平台 元朗group 有人話好食左，所以事隔幾個月後再食多次，好似係有改善，湯都似返舊鋪既味道，但都只係似，依然有距離。外賣牛既份量都唔算少，有兩舊大蘿蔔，但米粉就細碗左。邊腩同坑腩就咁睇都好似冇咩分別。