SOLO UDON ソロうどん (Closed)

👩🏻‍🌾知道有烏冬新店就即刻拉埋同事一齊去試！

♨️明太子溫泉蛋冷烏冬🍜溫泉蛋大大粒，明太子份量多，唔會好咸，少少辣，👩🏻‍🌾幾中意。湯濃鹹度適中。烏冬以100%北海道麵粉新鮮製造，食得出烏冬彈牙有韌度，冷食相對會再硬身少少，如果你係中意偏硬身的話就適合你😬不過有一兩條就應該煮得唔夠耐就真係太硬身。食食吓覺得個味有啲單調，可以加埋washabi同枱上一瓶炸麵粉衣，刺激得嚟又脆脆地，推薦加埋一齊食！

👩🏻‍🌾同事嗌咗熱咖喱烏冬覺得唔錯，湯夠濃郁。可惜整體嚟講就無好驚艷到我哋，但可以一試～

🍓草莓罐裝牛乳蛋糕🍓
一開罐就聞到草莓味好香，Cream綿密厚身，中間嘅海綿蛋糕唔hea，帶有少少草莓味。美中不足係草莓片薄咗啲，食得無咁滿足。
👩🏻‍🌾同同事都覺得甜品比烏冬有驚喜！🤩草莓控要試下呀！🍓

一人坐位，自己食都唔怕尷尬，先在門外自助機點餐付款，店員會安排坐位，之後要把手上的QRcode scan枱右邊的QRcode scanner～
坐位係高櫈，但係有放腳地方，設計上都算細心。