Video
Read full review
2022-11-05
95 views
銅鑼灣最近新開左一間一人日式烏冬店，岩晒我呢啲經常都係得一個人食飯既人啦，所以去試下先，何況本身我都鍾意食烏冬。首先客人可以喺自助點餐機落單先，比完錢之後可以將張單既 QR Code 條碼喺座位度嘟番，然後就會有店員拉開廉奉上食物比你。店內有唔少選擇，烏冬用左北海道麵粉，每日新鮮自家製。明太子温泉蛋冷烏冬、雞白湯叉燒烏冬、吉列蝦蝦湯烏冬等都有唔少客人選擇，而我就揀左安格斯牛肉壽喜燒烏龍麵鍋 配半熟蛋($138)，呢個價錢係 300g烏冬，加$10就有400g烏冬，如果轉A4和牛就加$30。烏冬食落煙韌得嚟都算滑，安格斯牛肉肉質都算嫩，連同半熟蛋同埋其他蔬菜一齊食，湯底帶甜。小食方面，叫左日式叉燒 ($48)，肉味都算濃郁。而必食既小食就有明太子芝士春卷 ($38)，春卷脆得嚟唔油，明太子既鹹香更加突顯芝士既香。飲品方面，自家冷泡炭培烏龍茶有炭烤味之外亦嚐到茶味既回甘。甜品方面，草莓罐裝牛乳蛋糕 ($48) 同埋抹茶罐裝牛乳蛋糕 ($48)都係人氣打卡之選，以易拉罐設計，一開就食到，抹茶罐裝牛乳蛋糕整體嚐到茶香同甜味。
首先客人可以喺自助點餐機落單先，比完錢之後可以將張單既 QR Code 條碼喺座位度嘟番，然後就會有店員拉開廉奉上食物比你。
店內有唔少選擇，烏冬用左北海道麵粉，每日新鮮自家製。明太子温泉蛋冷烏冬、雞白湯叉燒烏冬、吉列蝦蝦湯烏冬等都有唔少客人選擇，而我就揀左安格斯牛肉壽喜燒烏龍麵鍋 配半熟蛋($138)，呢個價錢係 300g烏冬，加$10就有400g烏冬，如果轉A4和牛就加$30。
烏冬食落煙韌得嚟都算滑，安格斯牛肉肉質都算嫩，連同半熟蛋同埋其他蔬菜一齊食，湯底帶甜。
小食方面，叫左日式叉燒 ($48)，肉味都算濃郁。
而必食既小食就有明太子芝士春卷 ($38)，春卷脆得嚟唔油，明太子既鹹香更加突顯芝士既香。
飲品方面，自家冷泡炭培烏龍茶有炭烤味之外亦嚐到茶味既回甘。
甜品方面，草莓罐裝牛乳蛋糕 ($48) 同埋抹茶罐裝牛乳蛋糕 ($48)都係人氣打卡之選，以易拉罐設計，一開就食到，抹茶罐裝牛乳蛋糕整體嚐到茶香同甜味。
Post
