Video
Read full review
2022-08-01
73 views
呢間都係近期元朗最新開嘅西餐廳，裝修偏向工業水泥風，設計左Open Kitchen形式,等顧客可以睇到入面烹調情況。順帶一提，幫襯時餐廳暫時未拎到酒牌，所有未有任何酒類出售，但店員講我地可以自己出去買酒，唔收開瓶費。當日待應有介紹廚師特別MENU，但我認為與其口講不如係餐廳掛塊Today’s Special黑板會比較好，更加一目了然，因為店員介紹完其實我轉頭都忘記左名同價錢。📍Crafted Fassone Beef Steak Tartare $152★★★★☆以元朗餐廳黎講屬於比較少有地有西式他他食。上枱後將他他混合生鵪鶉蛋、醬汁，放上呢到自家製多士一齊食，作為前菜係唔錯嘅選擇！肉質口感鮮嫩，食落去酸酸地，幾開胃。食他他最怕啲醬汁味道太搶，呢到唔會，但個他他牛味唔算特別出，有少少可惜。同埋他他份量都幾多，食到尾反而係多士唔夠多。📍Cheese Fries $48★★★☆☆作為一個芝士薯條佢唔太合格，芝士份量太少，大約大半嘅薯條都冇沾上芝士！但佢係新鮮炸起幾香脆，份量都唔算少，但如果我叫得芝士薯條期望芝士醬會多D，一係就額外有醬汁碟俾人點。另外如果餐牌有POUTINE就更好，會更加特
呢間都係近期元朗最新開嘅西餐廳，裝修偏向工業水泥風，設計左Open Kitchen形式,等顧客可以睇到入面烹調情況。順帶一提，幫襯時餐廳暫時未拎到酒牌，所有未有任何酒類出售，但店員講我地可以自己出去買酒，唔收開瓶費。當日待應有介紹廚師特別MENU，但我認為與其口講不如係餐廳掛塊Today’s Special黑板會比較好，更加一目了然，因為店員介紹完其實我轉頭都忘記左名同價錢。
Crafted Fassone Beef Steak Tartare
$152
6 views
0 likes
0 comments
📍Crafted Fassone Beef Steak Tartare $152★★★★☆
以元朗餐廳黎講屬於比較少有地有西式他他食。上枱後將他他混合生鵪鶉蛋、醬汁，放上呢到自家製多士一齊食，作為前菜係唔錯嘅選擇！肉質口感鮮嫩，食落去酸酸地，幾開胃。食他他最怕啲醬汁味道太搶，呢到唔會，但個他他牛味唔算特別出，有少少可惜。同埋他他份量都幾多，食到尾反而係多士唔夠多。
Cheese Fries
$48
4 views
0 likes
0 comments
★★★☆☆
作為一個芝士薯條佢唔太合格，芝士份量太少，大約大半嘅薯條都冇沾上芝士！但佢係新鮮炸起幾香脆，份量都唔算少，但如果我叫得芝士薯條期望芝士醬會多D，一係就額外有醬汁碟俾人點。另外如果餐牌有POUTINE就更好，會更加特別！
Tiger Prawn, Avocado Homemade Black Ink Tagliatelle
$188
5 views
0 likes
0 comments
★★★★☆
除左一隻大虎蝦，成碗麵都仲有好多蝦肉，新鮮爽脆，唔會霉。因為係手工製寛意大利麵，食落好有口感，有咬口之餘，加埋佢用左牛油果製成嘅醬汁，唔會膩而且好細滑，食落幾特別同清新，每一條意粉同好均勻沾上醬汁，好濃郁。因為佢係用墨汁整個意粉而唔係作為意粉個醬汁，所以係唔會食到成咀黑哂！整體個意粉幾驚喜，成個配搭幾夾。
🌟總括：環境闊落舒適，係同朋友傾計嘅好地方，希望下次去可以有得試埋佢地嘅Cocktail!食物質素整體都好唔錯，食材新鮮，食得出用心製作，餐牌都係元朗西餐廳黎講少見，價錢唔算貴，值得一試！
Post
