太興 (加連威老道)

Open Now

Now Closed

真係好耐冇嚟太興喇，見加連威老道開咗間新分店，咪同朋友入去試下囉，新分店裝修唔錯，高樓底空間感十足。店員送上QR CODE，睇下落咩食好先，餐牌選擇唔算多，主打燒味同小菜，就點兩樣啦。⭐三拼燒味飯點了一碟三拼燒味飯，揀咗燒肉、燒鵝同叉燒，燒肉皮脆肉香，燒鵝很鮮味，連骨都入味，叉燒半肥瘦，甜甜地很香口。冇叫多飯都非常多飯，下次可以要少飯，食唔曬浪費呀。⭐蒜子支竹火腩鉗魚煲小菜叫咗個鉗魚煲，上枱時熱辣辣，入面嘅火腩同鉗魚都很多，支竹入曬味好正，唯一不滿嘅就係蒜子唔夠多😂⭐熱檸蜜 & ⭐奶茶紅豆冰餐飲朋友要咗一杯熱檸蜜，自己就點左紅豆奶茶，紅豆煮的軟腍，奶茶絲滑，好飲呀👍份量比想像中大碟，味道都唔錯，唔怪得全店滿座嘅。