Video
Read full review
2022-11-06
933 views
最近食串燒嘅頻率有啲高🤤，朋友好鍾意食串燒，呢棟大廈上面間串燒店之前試過了，今次試下地面嘅呢間串燒店。蒜蓉燒大大茄子 $38每次食串燒必點嘅一定係茄子🍆！仲要每人一條唔使爭，蒜蓉份量足，即使唔辣都可以好惹味！錫紙燒蒜蓉花甲 $58花甲感覺加埋辣會好食啲，下次都係食辣，不過欣賞呢個無咩沙，如果啲肉再多啲會更開心！雞軟骨（6串）$88雞軟骨呢啲6串起是基本🤣，調味粉非常足，又香又脆。醬燒墨魚咀 $28同我預期嘅墨魚咀有少少唔同，偏向有嚼勁，但唔夠爽口彈牙。蒜蓉小龍蝦 $148上一次食另一間麻辣小龍蝦太辣了，所以今次試唔辣嘅蒜蓉小龍蝦🦞，小龍蝦大大隻，帶住手套剝都好容易，唔辣嘅小龍蝦我可以一隻接一隻食唔停😋燒韭菜 $18調味粉超香同惹味，平時平平無奇嘅韭菜燒過加上調味粉之後好吸引！醬燒豬頸肉 $28厚切豬頸肉，一串有四件。蒜蓉燒原條魷魚 $38真係原條魷魚，咬落去好煙韌，為咗同朋友分一半都係要用手撕🤣朱古力棉花糖夾餅 $25餅乾夾住棉花糖配上朱古力醬，夠晒甜！
蒜蓉燒大大茄子 $38
每次食串燒必點嘅一定係茄子🍆！仲要每人一條唔使爭，蒜蓉份量足，即使唔辣都可以好惹味！
錫紙燒蒜蓉花甲 $58
花甲感覺加埋辣會好食啲，下次都係食辣，不過欣賞呢個無咩沙，如果啲肉再多啲會更開心！
雞軟骨（6串）$88
雞軟骨呢啲6串起是基本🤣，調味粉非常足，又香又脆。
醬燒墨魚咀 $28
同我預期嘅墨魚咀有少少唔同，偏向有嚼勁，但唔夠爽口彈牙。
蒜蓉小龍蝦 $148
上一次食另一間麻辣小龍蝦太辣了，所以今次試唔辣嘅蒜蓉小龍蝦🦞，小龍蝦大大隻，帶住手套剝都好容易，唔辣嘅小龍蝦我可以一隻接一隻食唔停😋
燒韭菜 $18
調味粉超香同惹味，平時平平無奇嘅韭菜燒過加上調味粉之後好吸引！
醬燒豬頸肉 $28
厚切豬頸肉，一串有四件。
蒜蓉燒原條魷魚 $38
真係原條魷魚，咬落去好煙韌，為咗同朋友分一半都係要用手撕🤣
朱古力棉花糖夾餅 $25
餅乾夾住棉花糖配上朱古力醬，夠晒甜！
Post
