Video
Read full review
2024-12-11
77 views
今日食晏同朋友去咗蘇豪區搵嘢食 去到見到間新開嘅墨西哥菜 見佢有個位好開揚咁樣可以對住個門口食 慢活咁住係到睇下街既人都幾chill 但係今日天氣有啲凍得14度 所以我哋又揀咗室內食Muchos Nachos呢個作為Starter嚟講真係好多 原本我哋想要另一款light嘅 但係Waitress介紹呢款份量多好多 咁我哋諗平時食chips嘅話 份量都係幾少咁 所以叫呢款 點知嚟到我哋兩個人都食唔晒嘅Starter 一拎起啲chips啲芝士拉絲好長 又好香 廚師係落碟前仲加熱左 口感一流然後再加埋佢配嘅醬每一啖都唔同口感 好fresh 牛油果醬入邊好重牛油果味仲有一粒粒細細地嘅牛油果粒 超足料👍黑豆醬亦都一樣 雖然黑豆好健康 但我第一次喺墨西哥菜入邊度食到 食落去都係有一粒粒豆既口感 同Waitress傾開計先知 原來呢個係廚師喺每一日新鮮壓榨而成嘅 所以新鮮又健康 配埋chips簡直一流啊 好似以為食緊啲唔係好健康嘅嘢 但係又好健康之後上咗兩個主菜Carne Asada同埋Pollo Asado Grilled Marinated Chicken 兩個主菜都係配咗香料蕃茄飯同埋必備嘅牛
見佢有個位好開揚咁樣可以對住個門口食 慢活咁住係到睇下街既人都幾chill 但係今日天氣有啲凍得14度 所以我哋又揀咗室內食
Muchos Nachos
呢個作為Starter嚟講真係好多 原本我哋想要另一款light嘅 但係Waitress介紹呢款份量多好多 咁我哋諗平時食chips嘅話 份量都係幾少咁 所以叫呢款 點知嚟到我哋兩個人都食唔晒嘅Starter
一拎起啲chips啲芝士拉絲好長 又好香 廚師係落碟前仲加熱左 口感一流
然後再加埋佢配嘅醬每一啖都唔同口感 好fresh
牛油果醬入邊好重牛油果味仲有一粒粒細細地嘅牛油果粒 超足料👍
黑豆醬亦都一樣 雖然黑豆好健康 但我第一次喺墨西哥菜入邊度食到 食落去都係有一粒粒豆既口感
同Waitress傾開計先知 原來呢個係廚師喺每一日新鮮壓榨而成嘅 所以新鮮又健康 配埋chips簡直一流啊 好似以為食緊啲唔係好健康嘅嘢 但係又好健康
之後上咗兩個主菜Carne Asada同埋Pollo Asado Grilled Marinated Chicken
兩個主菜都係配咗香料蕃茄飯同埋必備嘅牛油果醬同埋黑豆醬
Steak份量好多性價比極高 肉質亦都鮮嫩食落去嘅肉汁爆發出嚟咁呀
但係我哋都鍾意雞肉多啲 因為兩隻肉其實都係鮮嫩嘅 但係雞肉配埋個蕃茄嘅醬同汁係超級夾㗎 再將雞肉既層次提升左 再加埋牛油果醬同黑豆醬 令我發現原來墨西哥菜都可以咁好食嘅
Berry Lemonade
Lemonade味好重 非常之開胃
Virgin Mojito
Mojito好清新 甜甜地 好岩我胃口😍
Post
