新東園

Open Now

Now Closed

熟食中心開返後已經幫襯過其他3間嘅早午餐，今日就幫襯同一邊第四間開嘅檔，講真早餐都算有水準，價格與另外3間比較是中等，第一間最抵，最有名嘅最貴。天氣開始涼，呢個檔嘅座位好舒服，可呼吸新鮮空氣！叫咁豬排炒蛋配公仔麵，熱奶茶，睇落去係有誠意嘅，最值得讚嘅係餸同麵係分開上，最怕就係放晒上個湯面度，浸晒湯又出晒油，食又困難，呢樣好細心👍🏻👍🏻👍🏻 豬排質素雖然不是第一，4間來講排第二好味。唔會煎到好油，個麵湯底都剛剛好！奶茶就同第一間咁，用全套新茶具，好乾淨飲舒服😌☕️ 但係茶就差咗D，唔係好夠茶味。唔知係咪新開業，暫時未太多客人，老闆服務好好，仲拎好消毒啫喱同埋盒裝紙巾喺枱，招呼好好慢慢食，希望呢個服務態度一定保持住，同食物奶茶水準可再提升。