麵麵俱到

Open Now

Now Closed

Lunch time去左yoho附近食野，行過條巷仔發現有新餐廳，所以入去試新嘢！呢間前身系做日式小丸子，宜家轉左食麵，環境裝修同以前一樣。醬油慢煮豬軟骨配脆脆豬皮豚骨湯麵 配唐揚雞套餐$82呢度只有2款麵揀，一系讚岐烏冬，一系就香港手工蛋麵，呢碗揀左手工蛋麵，蛋麵幾粗身，咬落有口感。豬軟骨大大舊，炆得好淋，軟骨位置都好易咬開。跟餐配既唐揚雞，有3粒炸雞粒。麵麵俱到 麵全食 配壽喜燒湯麵 配沙律套餐 $100呢碗份量十足，有牛肋條、豬軟骨、炸豬皮、蝦肉、蟹柳等，男士們食應該好滿足。壽喜燒湯底帶甜，揀烏冬配就岩哂！跟餐沙律。吉列炸蝦 $253隻吉列炸蝦配明太子沙律醬，貌相都ok。燒汁雞皮餃子 $25個人幾鐘意呢款雞皮餃子，一份有5件，入面系雞肉，無軟骨。