NUMBER 8 FUSION BURGER

Open Now

Now Closed

最近喺大坑發現咗一間新開嘅漢堡店。最特別係佢哋基本上所有嘢都係自家製。麵同麵包都係自家製。誇張到連芝麻醬都係人手炒🤫。✨邪惡蒜香三重芝士比利時粗薯條 $35粗薯條外脆內軟，淋上極香嘅醬汁，除咗邪惡之外我諗唔到第二個形容詞🤣。最特別係佢唔係用蒜粉，而係生蒜。香得嚟有少少蒜辣，令人食到停唔到口。✨自選4件小漢堡＄58煎牛排堡🍔吉列蝦堡吉列豬堡🍔大菇堡想試多幾款可以食mini burgers!佢哋連麵包同醬汁都係自家製。佢哋用原塊牛排，生熟度啱啱好，充滿肉汁。吉列蝦同吉列豬香脆唔油膩。大菇鮮味多汁，完全唔會單調過肉類漢堡。✨水滴手打撈麵 set $74麵條爽彈有蛋香，同平時包裝印尼撈完全唔同。除咗一般會有嘅炸蒜同炸乾蔥，仲有爽脆清甜嘅芽菜。加埋吉列雞胸肉，成個印尼撈多送到誇張！✨印尼沙律呢款有別於香港人比較熟悉嘅加多加多，佢係以蝦醬為主要調味料，辣得幾過癮。有清新嘅青瓜，亦都有甜甜地嘅沙葛。比起一般西式沙律更加啱亞洲人口味。✨熱情果茶佢哋用新鮮熱情果而唔係熱情果醬，味道更加清新自然，亦唔會有平時熱情果飲品嘅死甜。