Video
Read full review
2024-08-26
149 views
旺角又有新串燒店開幕啦！😆😆今次仲好特別 呢間餐廳名為蕾（Mirai）主打備長炭串燒料理 即係用炭火🔥早前挽肉と米登陸香港時 就有人分享過炭火牌唔易拎所以城中能以炭火煮食嘅餐廳少之又少 淨係呢點就已經令我要衝去試下！而蕾嘅另一個賣點 就係主打多款日式燒鳥串燒🍢除咗傳統燒鳥 仲會限量供應多款雞嘅稀有部位所以有咩理由唔去試下！一行近餐廳 就畀佢超有氣勢嘅六角形門所震懾加上燈光配襯 特別型格有style1樓以bar枱座位為主 2樓則以四人枱及包廂房為主適合著重私隱 或係同一班朋友相聚嘅客人🥳 先試最衝擊且限量供應嘅【提燈】即係母雞輸卵管、卵巢 連同未成熟孵化的雞蛋黃一同上碟「燈籠🏮」食落似質感濃稠嘅半熟蛋味道可以接受 睇你夠唔夠膽試！除此之外 仲有【銀皮】即雞腎嘅邊位 口感爽口【雞心】、【赤雞肉(雞頸肉)】、及【雞腎】等多款稀有部位當然亦唔少得【自家制雞肉棒】免治雞肉肉質鮮嫩 口感多變再沾上日本生雞蛋🥚 令人欲罷不能而店中的其中一道招牌菜就係加入夢王蛋炮製而成嘅【蕾•釜飯🍚】飯粒飽滿 加上菇菌 話咁快就食完除咗燒鳥 餐廳當然亦有不少其他拿手串燒🔥其中一個就係【厚切白鱔】 煎得皮脆肉嫩 絕對係
今次仲好特別 呢間餐廳名為蕾（Mirai）
主打備長炭串燒料理 即係用炭火🔥
早前挽肉と米登陸香港時
就有人分享過炭火牌唔易拎
所以城中能以炭火煮食嘅餐廳少之又少
淨係呢點就已經令我要衝去試下！
而蕾嘅另一個賣點 就係主打多款日式燒鳥串燒🍢
除咗傳統燒鳥 仲會限量供應多款雞嘅稀有部位
所以有咩理由唔去試下！
一行近餐廳 就畀佢超有氣勢嘅六角形門所震懾
加上燈光配襯 特別型格有style
1樓以bar枱座位為主 2樓則以四人枱及包廂房為主
適合著重私隱 或係同一班朋友相聚嘅客人🥳
先試最衝擊且限量供應嘅【提燈】
即係母雞輸卵管、卵巢
連同未成熟孵化的雞蛋黃一同上碟
「燈籠🏮」食落似質感濃稠嘅半熟蛋
味道可以接受 睇你夠唔夠膽試！
除此之外 仲有【銀皮】
即雞腎嘅邊位 口感爽口
【雞心】、【赤雞肉(雞頸肉)】、
及【雞腎】等多款稀有部位
當然亦唔少得【自家制雞肉棒】
免治雞肉肉質鮮嫩 口感多變
再沾上日本生雞蛋🥚 令人欲罷不能
而店中的其中一道招牌菜
就係加入夢王蛋炮製而成嘅【蕾•釜飯🍚】
飯粒飽滿 加上菇菌 話咁快就食完
除咗燒鳥 餐廳當然亦有不少其他拿手串燒🔥
其中一個就係【厚切白鱔】 煎得皮脆肉嫩
絕對係招牌菜之一！
點菜時 店員亦強烈推介【翠肉瓜】串燒
話係名物之一 我覺得出色之處在於調味
重胡椒味 有啲似胡椒豬肚 估唔到翠肉瓜都可以咁惹味😯
佢嘅【牛舌亂切】亦好有特色
將厚厚嘅牛舌切成花形 口感厚實有咬勁 食落好滿足
另外亦幾鍾意佢嘅【墨魚汁香腸】睇落似韓國血腸
食落更似juicy嘅台灣腸 味道幾特別
另外 亦同朋友share咗以下嘅串燒 味道全都幾唔錯👇🏻
豚肉炒麵卷
豚肉生菜卷
炸廣島蠔
酒盜芝士
熟酒醬油漬鮑魚
雞腸紫蘇蝦卷
Post
