Video
Read full review
2024-08-19
1194 views
大埔新開嘅泰國菜，新開試業。無論情侶或一大班朋友都適合去食。先講環境由於係試業同無咩人，所以老細用咗一張枱去放佢地一啲雜物同文件，不過就無傷大雅。餐廳播放泰文歌配合返佢係泰國菜主題，加上柔和嘅燈光，其實都幾舒服。佢地亦有一張大枱可以比起碼十個人去坐，仲提供坐墊，所以坐得舒適。因為我地係一大班人去又唔知點揀，於是係由廚師拍板。以下係部份菜式，因為有啲唔記得相機食先，所以就唔提及。先嚟嘅係木瓜同青芒果沙律，酸甜辣適中，如果中意偏酸嘅可以揀青芒果，想清新嘅就揀木瓜。之後就係泰式生蝦同生蠔，生蠔本身就唔係好關泰國事不過勝在配上佢地自家製嘅泰式醬，清新酸爽得嚟又唔會蓋過生蠔嘅甜味。泰式生蝦都係配上佢地嘅泰式醬，中意辣啲嘅可以食埋上面嘅指天椒，不過我自己就覺得會過辣。生菜包，正路嘢，微辣。炒泰式蝦，佢好似係用冬蔭公嘅味道去炒。由於蝦本有走油比較香口，加上冬蔭公嘅酸爽辣，真係想連殼都食埋😂炒泰式蟹，望見個醬好厚以為好濃味，其實就係甜甜酸酸配合芫荽香氣，無蓋過蟹本身嘅味，反而襯到蟹肉清甜嘅味道。泰式串燒，同平時啲樣有唔同，嚿肉好大嚿，我自己最中意牛，因為juicy又有牛香而且我本身中意食牛。菠蘿炒飯，
無論情侶或一大班朋友都適合去食。
先講環境由於係試業同無咩人，所以老細用咗一張枱去放佢地一啲雜物同文件，不過就無傷大雅。餐廳播放泰文歌配合返佢係泰國菜主題，加上柔和嘅燈光，其實都幾舒服。佢地亦有一張大枱可以比起碼十個人去坐，仲提供坐墊，所以坐得舒適。
因為我地係一大班人去又唔知點揀，於是係由廚師拍板。以下係部份菜式，因為有啲唔記得相機食先，所以就唔提及。
先嚟嘅係木瓜同青芒果沙律，酸甜辣適中，如果中意偏酸嘅可以揀青芒果，想清新嘅就揀木瓜。
之後就係泰式生蝦同生蠔，生蠔本身就唔係好關泰國事不過勝在配上佢地自家製嘅泰式醬，清新酸爽得嚟又唔會蓋過生蠔嘅甜味。泰式生蝦都係配上佢地嘅泰式醬，中意辣啲嘅可以食埋上面嘅指天椒，不過我自己就覺得會過辣。
生菜包，正路嘢，微辣。
炒泰式蝦，佢好似係用冬蔭公嘅味道去炒。由於蝦本有走油比較香口，加上冬蔭公嘅酸爽辣，真係想連殼都食埋😂
炒泰式蟹，望見個醬好厚以為好濃味，其實就係甜甜酸酸配合芫荽香氣，無蓋過蟹本身嘅味，反而襯到蟹肉清甜嘅味道。
泰式串燒，同平時啲樣有唔同，嚿肉好大嚿，我自己最中意牛，因為juicy又有牛香而且我本身中意食牛。
菠蘿炒飯，望落以為好濕，其實還好。食落去粒粒分明，炒飯香氣十足而且帶有菠蘿輕微嘅酸甜味。佢地仲加咗啲提子乾，酸酸地令我地班友差不多飽都仲係想食😂
整體嚟講，真係值得一試嘅餐廳。喺宜家呢個時勢仲見到咁有心去經營嘅，真心值得支持一下。
生蠔
95 views
1 likes
0 comments
泰式沙律（青芒果/木瓜）
111 views
0 likes
0 comments
生菜包
42 views
0 likes
0 comments
泰式生蝦
27 views
1 likes
0 comments
泰式炒蝦
23 views
0 likes
0 comments
泰式炒蟹
17 views
0 likes
0 comments
串燒
31 views
0 likes
0 comments
菠蘿炒飯
25 views
0 likes
0 comments
Post
