擇膳而行 (Under Renovation)

其實喺紅磡附近都有好多平民美食今次經過紅磡廣場發現咗喺條巷仔度開咗一間新嘅食台灣美食嘅小店。係附近小食店的前股東再開，都想保留上手的海南雞飯（前身係泰王海南雞），除左保留該配方，還於衛生方面作出改善。所以見佢餐牌選擇會有海南雞飯點都要幫襯支持下。由於只有老闆娘一個人做打點所以等候時間都會較長請耐心等候，但慢工出細活貨，估唔到食物嘅味道質素咁令人滿意10分值得等待。首先海南雞飯雞肉嫩滑，份量都唔少，再配上正宗嘅黃薑飯，加埋薑蓉汁簡直係完美嘅配搭，食過返尋味！之後再點個麻辣手撕雞冷烏冬，呢個啱晒鍾意食辣嘅朋友。手撕雞分量超多，真係啖啖肉，再配上麻辣蒜蓉汁撈埋個烏冬一齊食非常惹味。大大碗價錢一啲都唔貴只係$38。講起台灣嘢點少得要食手抓餅，我哋加咗煎蛋、紫菜、肉鬆、芋泥。手抓餅煎得好香脆，要趁熱食，餡料非常豐富，作為小食一流。最後我哋仲點咗個甜品，呢度甜品超級抵大大碗都只係$30要咗個日本Crossover配上仙草凍，入面仲有好多紅豆芋圓小丸子等，啱晒煙靭控。