泓料理

Open Now

Now Closed

上網見到呢間位於佐敦嘅日本餐廳，今日放工就同埋同事一齊去食下。金飛魚籽沙律沙律新鮮爽口，金飛魚籽口感爽脆。八爪魚觸咬落煙韌彈牙，加上筋子口感豐富。深海池魚酸汁味道酸甜，池魚肉質爽口。金目鯛包住海膽味道鮮甜，加上金飛魚籽爽脆有多重口感。牡丹蝦鮮甜肉質彈牙，蝦頭炸到香脆可口。鮟康魚肝口感creamy，入口即溶。三色丼飯吞拿魚腩油脂豐富，入口肥美，櫻花蝦口感爽脆，右口魚燒到油脂香濃，肉質幼滑。另外叫左幾串串燒有雞腎，豚肉露荀卷，牛舌，雞腎爽口煙韌，豚肉露荀卷表面燒到焦香，露荀爽脆。食串燒就要叫杯啤酒啤啤佢，夠凍好正。