Simply Thai MODERN CUISINE

Open Now

Now Closed

太子基隆街其實好多好野食, 所以偶爾都會過去個邊搵食, 今次就去左間新開泰菜館, 裝潢有少少似CAFE既, 感覺舒適休閒。 當晚既店面店員都係泰國人,  聽到泰文即時增添泰式風情。炸蝦片即炸起脆卜卜, order完等食既時間同朋友邊食邊傾就最好。泰北辣肉碎生菜包肉碎炒埋洋蔥辣椒好惹味好香, 肥瘦岩岩好! 特別中意佢既生菜大塊得黎岩岩好兜到D肉碎, fresh!! 雜菌椰子雞湯突出既椰奶味mix埋酸酸地既番茄, 再加埋少少雞既鮮甜味, 另外佢都落足香茅同檸檬葉等香料, 所以煲出黎味道好豐富。仲有好多雞肉同菇添! 泰式蝦炒飯飯底係蝦醬炒飯, 咸咸香香唔覺唔覺就食哂, 仲有幾隻大蝦, 大碟足料。 少係出面食到泰式奶茶味既布甸!! thaitea味好濃, 面頭塊薄荷葉係畫龍點晴, 夾埋食好match!香茅斑蘭茶同埋泰式檸茶充滿泰國風味, 清清甜甜又解膩。