九龍粉麵 (Closed)

自從上次喺呢條街食過間冰室之後，發現原來仲有好多臥虎藏龍嘅食肆，而呢間九龍粉麵更係成為咗我哋嘅新飯堂！最初試係因為門口兩個大大個嘅「麻辣」兩個字，門口仲有好多自家製嘅辣椒醬，感覺就係好有heart 嘅小店。自家秘製嘅麻辣醬選用四川青花椒調味，據說是營養價值很高的食材，既可以滿足味蕾又可以擁有健康，值得一試。有湯麵、淨食、撈面同小食，驚喜嘅係仲有點心！價錢好抵，未知味道如何。落單係由客人自己喺紙仔到剔選，或者同樓面落單都得。最初係食麻辣手撕雞肉醬撈面。的確係想試下有幾麻幾辣！不過碟嘢一上來，單睇個賣相就覺得應該唔會好辣，感覺係小清新配對。自覺份量也不太夠。可能係撈面，少咗熱辣辣湯底，總覺得份量不太夠，個人太好辣嘅原因，都唔覺碟嘢好辣，反而個湯，個人覺得好好飲，有啲黏口感，據說係用咗魚同雞一齊熬幾個鐘、完全冇落味精嘅湯底。試過個湯底後，再度幫襯嘅時候決定要個自選米線，最重要嘅係個湯底，好想飲晒佢！自選米線入面嘅酸菜都好好味，仲有有埋花生蘿蔔，仲有得揀辣度㗎！個湯底堅係好正，最後係成碗嘢清晒，見底！廚房係開放式，個師傅聽到我哋讚不絕口，特登出來講多謝，真係好有心。再來講下，最近食得更多嘅係地