東喜茶 (Closed)

行經將軍澳廣場，發現新開的東喜茶，特別之處係呢間唔衹係外賣，仲有得坐 😀 裝修幾靚，好舒服！老闆應該好鍾意貓，好多貓相！當日叫左"芝士火火" 同埋 "超級水果茶"，等的人比較多，原來每一杯茶係即沖的，相比其他賣茶的舖頭慢D！唔緊要，好嘢係要等的！今天係星期日，等左半個鐘左右啦，終於叫到我個號碼，一見到兩杯嘢飲，嘩！超靚呀！"芝士火火" 紫色好靚呀！芝士味香濃，火龍果汁好清甜，超級好味呀！老公杯 "超級水果茶" 都好靚，仲有水果食，西瓜又甜又多汁！好正，好嘢真係要等的！下次試下平日嚟，睇下會唔會快D先！