阿爺八鮮鍋 (Closed)

又想食刺身，又想食雞煲，又想打邊爐，又想食到新鮮嘅海鮮，一次過滿足幾個願望。一嚟到就有個靚靚嘅刺身拼盤，有蚌片、翡翠螺、螺片仲有蟹腳，樣樣都好新鮮。仲有壺新鮮嘅燉湯，勁好飲勁鮮甜，而且有個爐仔暖住，好細心，入口好舒服。跟住就有雞煲，有幾種口味可以揀，而今次就揀左韓式芝士口味，濃濃嘅芝士包住炒香咗既雞件，趁熱食每件都可以拉絲架，超正。食過刺身又食過雞煲，係時候打邊爐。一嚟就有個海鮮拼盤，有大虎蝦、大龍蝦、大元貝、大大隻蟶子、奄仔蟹同鮑魚，樣樣都好新鮮，勁鮮味。湯底就有幾款唔同嘅選擇，想同時感受海鮮嘅鮮味同補身，就同時揀左海鮮同藥膳湯底，同海鮮一齊食勁match。除左海鮮拼盤，仲有任點任食嘅火鍋食材，有海鮮同河鮮不在話下，自家制嘅餃子同魚滑都相當飽滿同爽口彈牙。仲有唔同嘅牛肉選擇。愛好內臟嘅我，呢度竟然仲有新鮮雞腸同豬潤，仲洗得好乾淨同處理得好好，真係十分難得。以呢個價錢真係相當之抵食，超級滿足。