上勝日本料理 (昌隆工業大廈) (Moved) New Location

今日約了位幾個月無見的朋友食lunch，為了方便她所以約了近她的教會附近食。大家都是第一次去這間食店，門口唔係好大，第一次行過了都唔知，要翻返轉頭再搵才見到，估唔到舖仔細細但食物質素卻有驚喜，雖然點了雜錦魚生刺身飯，預了都是給啲頭頭尾尾貨色，但嚟到碗飯都好足料好新鮮，另外我哋再叫了一客芝麻雞翼$28兩隻，開頭朋友都唔係幾想食，但為了配合我，所以就免為其難食了，點知嚟到之後，佢一啖食落口就已經讚口不絕，因為啲雞翼好入味而且外脆內嫩，覺得今次我哋所選呢兩個食物都揀得非常正確，下次我想試吓佢哋有個原條鰻魚飯，頭先見隔離枱食，覺得好震撼。