Café&Meal MUJI (Closed)

久唔久都要去食MUJI CAFÉ，唔係食甜品，唔係飲咖啡。主要食因應季節而出既精心MENU。知道佢出左秋季MENU，好想去睇下有咩新款式。 Dinner Set依度有多款冷熱盤配搭，可以因食量簡3/4/5個餸。輕食晚餐冇黎到一排，除左有好多新出既菜單。例如咖喱飯。ITALY Night拼盤，有多種意大利既Classic dish。 不過無論有幾吸引，我每一次食都係4個dish既dinner set。因為冷熱盤分別都有8款比我簡，又有餐湯，仲有全部都係日式菜式，非常精緻。 蜜汁椒雞塊少少甜又有少少辣，成個味道好溫和，你食到每一種味道，但又唔會太搶。雞件都好大舊，平均2舊。南瓜薯餅出奇不意地脆口，因為見佢一盤放係櫃入面，原以為會一早變左林PATPAT，但又唔會喎。吞拿魚黃椒醃菜因為好少見有吞拿魚做熟主食，所以貪得意試左。味道唔錯，但覺得太老好難咬。薯仔沙律好清新，因為好鍾意食薯仔，所以點都好食。哈哈！ 唔夠皮仲可以叫蛋糕甜品，跟餐有部份會平過原價。所以試左布丁同抹茶芝士蛋糕。布丁蛋味好香，好似變左做日劇主人翁。芝士蛋糕就好RICH，但唔苦澀。但最好同人SHARE，自己食哂真係會有D濟。